Bhagavad Gītā

Chapter 11: Viśvarūpa Saṃdarśana Yoga

— begin anuṣṭubh meter (4x8) —

Śloka 11.1

अर्जुन उवाच
arjuna uvāca
मदनुग्रहाय परमं
madanugrahāya paramaṃ
गुह्यमध्यात्मसंज्ञितम् ।
guhyamadhyātmasaṃjñitam |
यत्त्वयोक्तं वचस्तेन
yattvayoktaṃ vacastena
मोहोऽयं विगतो मम ॥ १ ॥
moho’yaṃ vigato mama ‖ 1 ‖

~~~

arjuna: Arjuna; uvāca: he said; mat-anugrahāya: me + for the benefit of; paramam: supreme; guhyam-adhyātma-saṃjñitam: secret + spiritual + named; yat-tvayā-uktam: which + by you + taught; vacaḥ-tena: teaching + by that; mohaḥ-ayam: illusion + this; vigataḥ: dispelled; mama: my

Arjuna said: “My illusion has been dispelled by this most secret spiritual teaching which you have taught for my benefit.”

Śloka 11.2

भवाप्ययौ हि भूतानां
bhavāpyayau hi bhūtānāṃ
श्रुतौ विस्तरशो मया ।
śrutau vistaraśo mayā |
त्वत्तः कमलपत्राक्ष
tvattaḥ kamalapatrākṣa
माहात्म्यमपि चाव्ययम् ॥ २ ॥
māhātmyamapi cāvyayam ‖ 2 ‖

~~~

bhava-apyayau: in (about) origin + dissolution; hi: certainly; bhūtānām: of living beings; śrutau: have heard both; vistaraśaḥ: in detail; mayā: by me; tvattaḥ: from you; kamalapatrākṣa: O Lotus-Eyed; māhātmyam-api: glory + also; ca-avyayam: and + inexhaustible

“I have heard from you in detail, O Lotus-Eyed, about both the origin and dissolution of all living beings, and also your inexhaustible glory.”

Śloka 11.3

एवमेतद्यथात्थ त्वम्-
evametadyathāttha tvam-
आत्मानं परमेश्वर ।
ātmānaṃ parameśvara |
द्रष्टुमिच्छामि ते रूपम्-
draṣṭumicchāmi te rūpam-
ऐश्वरं पुरुषोत्तम ॥ ३ ॥
aiśvaraṃ puruṣottama ‖ 3 ‖

~~~

evam-etat-yathā-āttha: thus + this + just as + you have described; tvam-ātmānam: you + yourself; parameśvara: O Supreme Oversoul; draṣṭum-icchāmi: to see + I wish; te: your; rūpam-aiśvaram: form + majestic; puruṣottama: O Supreme Spirit

“I wish to see your majestic form, O Supreme Oversoul, just as you yourself have described it me, O Supreme Spirit.”

Śloka 11.4

मन्यसे यदि तच्छक्यं
manyase yadi tacchakyaṃ
मया द्रष्टुमिति प्रभो ।
mayā draṣṭumiti prabho |
योगेश्वर ततो मे त्वं
yogeśvara tato me tvaṃ
दर्शयात्मानमव्ययम् ॥ ४ ॥
darśayātmānamavyayam ‖ 4 ‖

~~~

manyase: you think; yadi: if; tat-śakyam: that + possible; mayā: for me; draṣṭum-iti: to see + in this way; prabhu: O Lord; yogeśvara: O Lord of Yoga; tataḥ: then; me: to me; tvam: you; darśaya-ātmānam-avyayam: you should reveal + yourself + immutable

“If you think that it is possible for me to see you in this way, O Lord, then please reveal your immutable self to me, O Lord of Yoga.”

Śloka 11.5

श्रीभगवानुवाच
śrībhagavānuvāca
पश्य मे पार्थ रूपाणि
paśya me pārtha rūpāṇi
शतशोऽथ सहस्रशः ।
śataśo’tha sahasraśaḥ |
नानाविधानि दिव्यानि
nānāvidhāni divyāni
नानावर्णाकृतीनि च ॥ ५ ॥
nānāvarṇākṛtīni ca ‖ 5 ‖

~~~

śrī-bhagavān-uvāca: The Blessed + Lord + he said; paśya: you should behold; me: my; pārtha: O Son of Pṛthā; rūpāṇi: forms; śataśaḥ-atha: by the hundreds + also; sahasraśaḥ: by the thousands; nānā-vidhāni: many + kinds; divyāni: divine; nānā-varṇa-ākṛtīni: many + colors + shapes; ca: and

The Blessed Lord said: “Behold, O Son of Pṛthā, my many divine forms of various shapes and colors by the hundreds and thousands.”

Śloka 11.6

पश्यादित्यान्वसून्रुद्रान्-
paśyādityānvasūnrudrān-
अश्विनौ मरुतस्तथा ।
aśvinau marutastathā |
बहून्यदृष्टपूर्वाणि
bahūnyadṛṣṭapūrvāṇi
पश्याश्चर्याणि भारत ॥ ६ ॥
paśyāścaryāṇi bhārata ‖ 6 ‖

~~~

paśya-ādityān-vasūn-rudrān-aśvinau: you should behold + Āditya gods + Vasu gods + Rudra gods + Aśvin gods; marutaḥ-tathā: Marut gods + as well as; bahūni-adṛṣṭa-pūrvāṇi: many + unseen + before; paśya-āścaryāṇi: you should behold + wonders; bhārata: O Descendant of Bharata

“Behold the Āditya, Vasu, Rudra, Aśvin, and Marut gods, O Descendant of Bharata.  Also, behold many wonders that have never been seen before.”

Śloka 11.7

इहैकस्थं जगत्कृत्स्नं
ihaikasthaṃ jagatkṛtsnaṃ
पश्याद्य सचराचरम् ।
paśyādya sacarācaram |
मम देहे गुडाकेश
mama dehe guḍākeśa
यच्चान्यद्द्रष्टुमिच्छसि ॥ ७ ॥
yaccānyaddraṣṭumicchasi ‖ 7 ‖

~~~

iha-ekastham: in this place + assembled; jagat-kṛtsnam: universe + entire; paśya-adya: you should behold + now; sacarācaram: animate and inanimate; mama: my; dehe: in the body; guḍākeśa: O Master of Sleep; yat-ca-anyat-draṣṭum-icchasi: whatever + and + else + to see + you wish

“Now behold the entire universe, both animate and inanimate, assembled here in my body, O Master of Sleep, and whatever else you wish to see.”

Śloka 11.8

न तु मां शक्यसे द्रष्टुम्-
na tu māṃ śakyase draṣṭum-
अनेनैव स्वचक्षुषा ।
anenaiva svacakṣuṣā |
दिव्यं ददामि ते चक्षुः
divyaṃ dadāmi te cakṣuḥ
पश्य मे योगमैश्वरम् ॥ ८ ॥
paśya me yogamaiśvaram ‖ 8 ‖

~~~

na: not; tu: but; mām: me; śakyase: you are able; draṣṭum-anena-eva: to see + with these + certainly; svacakṣuṣā: with your own eyes; divyam: divine; dadāmi: I give; te: to you; cakṣuḥ: eyes; paśya: you should behold; me: my; yogam-aiśvaram: power + majestic

“But you cannot see me with your own eyes.  So, I give you divine eyes.  Behold my majestic power!”

Śloka 11.9

सञ्जय उवाच
sañjaya uvāca
एवमुक्त्वा ततो राजन्-
evamuktvā tato rājan-
महायोगेश्वरो हरिः ।
mahāyogeśvaro hariḥ |
दर्शयामास पार्थाय
darśayāmāsa pārthāya
परमं रूपमैश्वरम् ॥ ९ ॥
paramaṃ rūpamaiśvaram ‖ 9 ‖

~~~

sañjaya: Sañjaya; uvāca: he said; evam-uktvā: thus + having spoken; tataḥ: then; rājan-mahā-yogaeśvaraḥ: O King + Great + Lord of Yoga; hariḥ: Hari; darśayāmāsa: he revealed; pārthāya: for (to) the Son of Pṛthā; paramam: supreme; rūpam-aiśvaram: form + majestic

Sañjaya said: “Having spoken thus, O King, then the Great Lord of Yoga, Hari, revealed to the Son of Pṛthā his supreme, majestic form…”

Śloka 11.10

अनेकवक्त्रनयनम्-
anekavaktranayanam-
अनेकाद्भुतदर्शनम् ।
anekādbhutadarśanam |
अनेकदिव्याभरणं
anekadivyābharaṇaṃ
दिव्यानेकोद्यतायुधम् ॥ १० ॥
divyānekodyatāyudham ‖ 10 ‖

~~~

aneka-vaktra-nayanam-aneka-adbhuta-darśanam: many + mouths + eyes + many + extraordinary + sights; aneka-divya-abharaṇam: many + shining + ornaments; divya-aneka-udyata-āyudham: divine + many + raised + weapons

“…with many mouths and eyes, many extraordinary sights, many shining ornaments, and many divine weapons raised…”

Śloka 11.11

दिव्यमाल्याम्बरधरं
divyamālyāmbaradharaṃ
दिव्यगन्धानुलेपनम् ।
divyagandhānulepanam |
सर्वाश्चर्यमयं देवम्-
sarvāścaryamayaṃ devam-
अनन्तं विश्वतोमुखम् ॥ ११ ॥
anantaṃ viśvatomukham ‖ 11 ‖

~~~

divya-mālya-ambara-dharam: celestial + garlands + garments + wearing; divya-gandha-anulepanam: heavenly + fragrances + anointed with; sarvāścaryamayam-devam: containing all marvels + divine; anantam: unlimited; viśvatomukham: facing in every direction

“…wearing celestial garlands and garments, anointed with heavenly fragrances; containing all divine marvels, unlimited, and facing in every direction.”

Śloka 11.12

दिवि सूर्यसहस्रस्य
divi sūryasahasrasya
भवेद्युगपदुत्थिता ।
bhavedyugapadutthitā |
यदि भाः सदृशी सा स्याद्-
yadi bhāḥ sadṛśī sā syād-
भासस्तस्य महात्मनः ॥ १२ ॥
bhāsastasya mahātmanaḥ ‖ 12 ‖

~~~

divi: in the sky; sūrya-sahasrasya: suns + thousands; bhavet-yugapat-utthitā: it would be + at once + arisen; yadi: if; bhāḥ: light; sadṛśī: like; sā: that; syāt-bhāsaḥ-tasya: it might be + light + of that; mahātmanaḥ: of the Great Soul

“If a thousand suns were to rise at once in the sky, their light might be like the light of that Great Soul.”

Śloka 11.13

तत्रैकस्थं जगत्कृत्स्नं
tatraikasthaṃ jagatkṛtsnaṃ
प्रविभक्तमनेकधा ।
pravibhaktamanekadhā |
अपश्यद्देवदेवस्य
apaśyaddevadevasya
शरीरे पाण्डवस्तदा ॥ १३ ॥
śarīre pāṇḍavastadā ‖ 13 ‖

~~~

tatra-ekastham: there + assembled; jagat-kṛtsnam: universe + entire; pravibhaktam-anekadhā: divided + variously; apaśyat-devadevasya: he could see + of the God of Gods; śarīre: in the body; pāṇḍavaḥ-tadā: Son of Pāṇḍu + at that time

“Then, the Son of Pāṇḍu could see the entire manifold universe assembled there in the body of the God of Gods.”

Śloka 11.14

ततः स विस्मयाविष्टो
tataḥ sa vismayāviṣṭo
हृष्टरोमा धनञ्जयः ।
hṛṣṭaromā dhanañjayaḥ |
प्रणम्य शिरसा देवं
praṇamya śirasā devaṃ
कृताञ्जलिरभाषत ॥ १४ ॥
kṛtāñjalirabhāṣata ‖ 14 ‖

~~~

tataḥ: then; saḥ: he; vismayāviṣṭaḥ: filled with astonishment; hṛṣṭaromā: hair standing on end; dhanañjayaḥ: Conqueror of Wealth; praṇamya: having made obeisances; śirasā: with head bowed; devam: Lord; kṛtāñjaliḥ-abhāṣata: palms joined together + addressed

“Then, the Conqueror of Wealth, having made obeisances with his head bowed and palms joined together, filled with astonishment, his hair standing on end, addressed the Lord.”

— begin triṣṭubh meter (4x11) —

Śloka 11.15

अर्जुन उवाच
arjuna uvāca
पश्यामि देवांस्तव देव देहे
paśyāmi devāṃstava deva dehe
सर्वांस्तथा भूतविशेषसङ्घान् ।
sarvāṃstathā bhūtaviśeṣasaṅghān |
ब्रह्माणमीशं कमलासनस्थम्-
brahmāṇamīśaṃ kamalāsanastham-
ऋषींश्च सर्वानुरगांश्च दिव्यान् ॥ १५ ॥
ṛṣīṃśca sarvānuragāṃśca divyān ‖ 15 ‖

~~~

arjuna: Arjuna; uvāca: he said; paśyāmi: I see; devāṃs-tava: gods + your; deva: O Lord; dehe: in the body; sarvāṃs-tathā: all + as well as; bhūta-viśeṣa-saṅghān: living beings + diverse + assembled; brahmāṇam-īśam: Brahmā + Lord; kamala-āsanastham-ṛṣīṃs-ca: lotus flower + seated on + sages + and; sarvān-uragāṃs-ca: all + Uraga serpents + and; divyān: divine

Arjuna said: “I see assembled in your body, O Lord, all the gods and diverse living beings, such as Lord Brahmā seated on the lotus flower, as well as all the sages and divine Uraga serpents.”

Śloka 11.16

अनेकबाहूदरवक्त्रनेत्रं
anekabāhūdaravaktranetraṃ
पश्यामि त्वां सर्वतोऽनन्तरूपम् ।
paśyāmi tvāṃ sarvato’nantarūpam |
नान्तं न मध्यं न पुनस्तवादिं
nāntaṃ na madhyaṃ na punastavādiṃ
पश्यामि विश्वेश्वर विश्वरूप ॥ १६ ॥
paśyāmi viśveśvara viśvarūpa ‖ 16 ‖

~~~

aneka-bāhu-dara-vaktra-netram: many + arms + bellies + mouths + eyes; paśyāmi: I see; tvām: you; sarvataḥ-ananta-rūpam: on all sides + innumerable + shapes; na-antam: no + end; na: no; madhyam: middle; na: no; punaḥ-tava-ādim: again + for (to) you + beginning; paśyāmi: I see; viśveśvara: O Lord of the Universe; viśvarūpa: O Universal Form

“I see you with many arms, bellies, mouths, and eyes of innumerable shapes on all sides, O Lord of the Universe.  I see no beginning, middle, or end to you, O Universal Form.”

Śloka 11.17

किरीटिनं गदिनं चक्रिणं च
kirīṭinaṃ gadinaṃ cakriṇaṃ ca
तेजोराशिं सर्वतो दीप्तिमन्तम् ।
tejorāśiṃ sarvato dīptimantam |
पश्यामि त्वां दुर्निरीक्ष्यं समन्ताद्-
paśyāmi tvāṃ durnirīkṣyaṃ samantād-
दीप्तानलार्कद्युतिमप्रमेयम् ॥ १७ ॥
dīptānalārkadyutimaprameyam ‖ 17 ‖

~~~

kirīṭinam: wearing a crown; gadinam: armed with a club; cakriṇam: bearing a discus; ca: and; tejorāśim: mass of splendor; sarvataḥ: on all sides; dīptimantam: shining; paśyāmi: I see; tvām: you; durnirīkṣyam: difficult to behold; samantāt-dīpta-anala-arka-dyutim-aprameyam: on all sides + blazing + fire + sun + radiance + immeasurable

“I see you wearing a crown, armed with a club, and bearing a discus, a shining mass of splendor on all sides, blazing everywhere like fire or the immeasurable radiance of the sun, difficult to behold.”

Śloka 11.18

त्वमक्षरं परमं वेदितव्यं
tvamakṣaraṃ paramaṃ veditavyaṃ
त्वमस्य विश्वस्य परं निधानम् ।
tvamasya viśvasya paraṃ nidhānam |
त्वमव्ययः शाश्वतधर्मगोप्ता
tvamavyayaḥ śāśvatadharmagoptā
सनातनस्त्वं पुरुषो मतो मे ॥ १८ ॥
sanātanastvaṃ puruṣo mato me ‖ 18 ‖

~~~

tvam-akṣaram: you + Imperishable; paramam: Supreme; veditavyam: to be known; tvam-asya: you + of this; viśvasya: of the Universe; param: Ultimate; nidhānam: Abode; tvam-avyayaḥ: you + Everlasting; śāśvata-dharma-goptā: Eternal + Religion + Protector; sanātanaḥ-tvam: Primordial + you; puruṣaḥ: Spirit; mataḥ: opinion; me: my

“You are the Supreme Imperishable to be known.  You are the Ultimate Abode of the Universe.  You are the Everlasting Protector of the Eternal Religion.  You are the Primordial Spirit in my opinion.”

Śloka 11.19

अनादिमध्यान्तमनन्तवीर्यम्-
anādimadhyāntamanantavīryam-
अनन्तबाहुं शशिसूर्यनेत्रम् ।
anantabāhuṃ śaśisūryanetram |
पश्यामि त्वां दीप्तहुताशवक्त्रं
paśyāmi tvāṃ dīptahutāśavaktraṃ
स्वतेजसा विश्वमिदं तपन्तम् ॥ १९ ॥
svatejasā viśvamidaṃ tapantam ‖ 19 ‖

~~~

anādi-madhya-antam-ananta-vīryam-ananta-bāhum: without beginning + middle + end + infinite + power + countless + arms; śaśi-sūrya-netram: moon + sun + eyes; paśyāmi: I see; tvām: you; dīpta-hutāśa-vaktram: blazing + consuming offerings + mouths; sva-tejasā: by your + radiance; viśvam-idam: whole + this; tapantam: scorching

“I see countless arms of infinite power without beginning, middle, or end.  The sun and the moon are your eyes.  Your blazing mouths are consuming offerings.  You are scorching this whole universe with your radiance.”

Śloka 11.20

द्यावापृथिव्योरिदमन्तरं हि
dyāvāpṛthivyoridamantaraṃ hi
व्याप्तं त्वयैकेन दिशश्च सर्वाः ।
vyāptaṃ tvayaikena diśaśca sarvāḥ |
दृष्ट्वाद्भुतं रूपमुग्रं तवेदं
dṛṣṭvādbhutaṃ rūpamugraṃ tavedaṃ
लोकत्रयं प्रव्यथितं महात्मन् ॥ २० ॥
lokatrayaṃ pravyathitaṃ mahātman ‖ 20 ‖

~~~

dyāu-āpṛthivyoḥ-idam-antaram: in heaven + earth + this + between; hi: quite; vyāptam: pervaded; tvayā-ekena: by you + alone; diśaḥ-ca: directions + and; sarvāḥ: all; dṛṣṭvā-adbhutam: having witnessed + extraordinary; rūpam-ugram: form + terrible; tava-idam: of yours + this; lokatrayam: three worlds; pravyathitam: perturbed; mahātman: O Great Soul

“The space between heaven and earth is pervaded in all directions by you alone.  Having witnessed this extraordinary and terrible form of yours, O Great Soul, the three worlds are quite perturbed.”

Śloka 11.21

अमी हि त्वां सुरसङ्घा विशन्ति
amī hi tvāṃ surasaṅghā viśanti
केचिद्भीताः प्राञ्जलयो गृणन्ति ।
kecidbhītāḥ prāñjalayo gṛṇanti |
स्वस्तीत्युक्त्वा महर्षिसिद्धसङ्घाः
svastītyuktvā maharṣisiddhasaṅghāḥ
स्तुवन्ति त्वां स्तुतिभिः पुष्कलाभिः ॥ २१ ॥
stuvanti tvāṃ stutibhiḥ puṣkalābhiḥ ‖ 21 ‖

~~~

amī: these; hi: quite; tvām: you; surasaṅghāḥ: hosts of gods; viśanti: they enter; kecit-bhītāḥ: some + frightened; prāñjalayaḥ: palms joined together; gṛṇanti: they offer prayers; svasti-iti-uktvā: be well + thus + having shouted; maharṣi-siddha-saṅghāḥ: great sages + masters + hosts; stuvanti: they praise; tvām: you; stutibhiḥ: with prayers; puṣkalābhiḥ: with hymns

“These hosts of gods enter you.  Some are quite frightened with palms joined together offering prayers.  Having shouted, ‘Be well!’, hosts of masters and great sages praise you with many prayers and hymns.”

Śloka 11.22

रुद्रादित्या वसवो ये च साध्या
rudrādityā vasavo ye ca sādhyā
विश्वेऽश्विनौ मरुतश्चोष्मपाश्च ।
viśve’śvinau marutaścoṣmapāśca |
गन्धर्वयक्षासुरसिद्धसङ्घा
gandharvayakṣāsurasiddhasaṅghā
वीक्षन्ते त्वां विस्मिताश्चैव सर्वे ॥ २२ ॥
vīkṣante tvāṃ vismitāścaiva sarve ‖ 22 ‖

~~~

rudra-ādityāḥ: Rudra gods + Āditya gods; vasavaḥ: Vasu gods; ye: those who; ca: and; sādhyāḥ: Sādhya gods; viśve-aśvinau: Viśva gods + Aśvin gods; marutaḥ-ca-uṣmapāḥ-ca: Marut gods + and + Uṣmapa ancestors + and; gandharva-yakṣa-asura-siddha-saṅghāḥ: Gandharva gods + Yakṣa demons + demons + masters + hosts; vīkṣante: they behold; tvām: you; vismitāḥ-ca-eva: wonder + and + certainly; sarve: all

“The Rudra, Āditya, Vasu, Sādhya, Viśva, Aśvin, Marut, and Gandharva gods, the Uṣmapa ancestors, the Yakṣa demons, and hosts of demons and masters all behold you in wonder.”

Śloka 11.23

रूपं महत्ते बहुवक्त्रनेत्रं
rūpaṃ mahatte bahuvaktranetraṃ
महाबाहो बहुबाहूरुपादम् ।
mahābāho bahubāhūrupādam |
बहूदरं बहुदंष्ट्राकरालं
bahūdaraṃ bahudaṃṣṭrākarālaṃ
दृष्ट्वा लोकाः प्रव्यथितास्तथाहम् ॥ २३ ॥
dṛṣṭvā lokāḥ pravyathitāstathāham ‖ 23 ‖

~~~

rūpam: form; mahat-te: great + your; bahu-vaktra-netram: many + mouths + eyes; mahābāho: O Mighty-Armed; bahu-bāhu-ūru-pādam: many + arms + legs + feet; bahu-udaram: many + bellies; bahu-daṃṣṭrā-karālam: many + teeth + terrible; dṛṣṭvā: having beheld; lokāḥ: realms; pravyathitāḥ-tathā-aham: perturbed + so + I

“Having beheld your great form, O Mighty-Armed, with its many mouths, eyes, arms, legs, feet, bellies, and terrible teeth, all the realms are perturbed, and so am I.”

Śloka 11.24

नभःस्पृशं दीप्तमनेकवर्णं
nabhaḥspṛśaṃ dīptamanekavarṇaṃ
व्यात्ताननं दीप्तविशालनेत्रम् ।
vyāttānanaṃ dīptaviśālanetram |
दृष्ट्वा हि त्वां प्रव्यथितान्तरात्मा
dṛṣṭvā hi tvāṃ pravyathitāntarātmā
धृतिं न विन्दामि शमं च विष्णो ॥ २४ ॥
dhṛtiṃ na vindāmi śamaṃ ca viṣṇo ‖ 24 ‖

~~~

nabhaḥ-spṛśam: sky + touching; dīptam-aneka-varṇam: shining + many + colors; vyātta-ānanam: gaping + mouths; dīpta-viśāla-netram: glowing + large + eyes; dṛṣṭvā: having seen; hi: certainly; tvām: you; pravyathita-antarātmā: frightened + core of my being; dhṛtim: steadiness; na: not; vindāmi: I regain; śamam: equilibrium; ca: and; viṣṇo: O Viṣṇu

“Having seen you touching the sky, with many colors, gaping mouths, and large, glowing eyes, O Viṣṇu, I am frightened to the core of my being, and I cannot regain my steadiness or equilibrium.”

Śloka 11.25

दंष्ट्राकरालानि च ते मुखानि
daṃṣṭrākarālāni ca te mukhāni
दृष्ट्वैव कालानलसन्निभानि ।
dṛṣṭvaiva kālānalasannibhāni |
दिशो न जाने न लभे च शर्म
diśo na jāne na labhe ca śarma
प्रसीद देवेश जगन्निवास ॥ २५ ॥
prasīda deveśa jagannivāsa ‖ 25 ‖

~~~

daṃṣṭrā-karālāni: teeth + terrible; ca: and; te: your; mukhāni: mouths; dṛṣṭvā-eva: having seen + thus; kālānala-sannibhāni: fiery destruction at the end of time + resembling; diśaḥ: direction; na: no; jāne: I know; na: no; labhe: I find; ca: and; śarma: peace; prasīda: you should have mercy; deveśa: O God of Gods; jagannivāsa: O Refuge of the Universe

“Having seen your mouths and terrible teeth resembling the fiery destruction at the end of time, I am disoriented and can find no peace, O God of Gods.  Have mercy, O Refuge of the Universe!”

Śloka 11.26

अमी च त्वां धृतराष्ट्रस्य पुत्राः
amī ca tvāṃ dhṛtarāṣṭrasya putrāḥ
सर्वे सहैवावनिपालसङ्घैः ।
sarve sahaivāvanipālasaṅghaiḥ |
भीष्मो द्रोणः सूतपुत्रस्तथासौ
bhīṣmo droṇaḥ sūtaputrastathāsau
सहास्मदीयैरपि योधमुख्यैः ॥ २६ ॥
sahāsmadīyairapi yodhamukhyaiḥ ‖ 26 ‖

~~~

amī: these; ca: and; tvām: you; dhṛtarāṣṭrasya: of Dhṛtarāṣṭra; putrāḥ: sons; sarve: all; saha-eva-avanipāla-saṅghaiḥ: along with + certainly + with kings + allied; bhīṣmaḥ: Bhīṣma; droṇaḥ: Droṇa; sūtaputraḥ-tathā-asau: Sūtaputra + as well as + that; saha-asmadīyaiḥ-api: along with + our + even; yodha-mukhyaiḥ: with warriors + chief

“All these sons of Dhṛtarāṣṭra along with their allied kings, Bhīṣma, Droṇa, Sūtaputra, and even our chief warriors…”

Śloka 11.27

वक्त्राणि ते त्वरमाणा विशन्ति
vaktrāṇi te tvaramāṇā viśanti
दंष्ट्राकरालानि भयानकानि ।
daṃṣṭrākarālāni bhayānakāni |
केचिद्विलग्ना दशनान्तरेषु
kecidvilagnā daśanāntareṣu
सन्दृश्यन्ते चूर्णितैरुत्तमाङ्गैः ॥ २७ ॥
sandṛśyante cūrṇitairuttamāṅgaiḥ ‖ 27 ‖

~~~

vaktrāṇi: mouths; te: your; tvaramāṇāḥ: quickly; viśanti: they enter; daṃṣṭrā-karālāni: teeth + terrible; bhayānakāni: frightful; kecit-vilagnāḥ: some + stuck; daśana-antareṣu: teeth + in between; sandṛśyante: they are seen; cūrṇitaiḥ-uttamāṅgaiḥ: with crushed + with heads

“…quickly enter your frightful mouths full of terrible teeth.  Some are seen stuck between teeth with crushed heads.”

Śloka 11.28

यथा नदीनां बहवोऽम्बुवेगाः
yathā nadīnāṃ bahavo’mbuvegāḥ
समुद्रमेवाभिमुखा द्रवन्ति ।
samudramevābhimukhā dravanti |
तथा तवामी नरलोकवीरा
tathā tavāmī naralokavīrā
विशन्ति वक्त्राण्यभिविज्वलन्ति ॥ २८ ॥
viśanti vaktrāṇyabhivijvalanti ‖ 28 ‖

~~~

yathā: just as; nadīnām: of rivers; bahavaḥ-ambuvegāḥ: many + currents; samudram-eva-abhimukhāḥ: ocean + alone + towards; dravanti: they flow; tathā: so; tava-amī: your + these; naralokavīrāḥ: human heroes; viśanti: they enter; vaktrāṇi-abhivijvalanti: mouths + they blaze

“Just as the currents of many rivers flow towards the ocean alone, so all these human heroes enter your blazing mouths.”

Śloka 11.29

यथा प्रदीप्तं ज्वलनं पतङ्गा
yathā pradīptaṃ jvalanaṃ pataṅgā
विशन्ति नाशाय समृद्धवेगाः ।
viśanti nāśāya samṛddhavegāḥ |
तथैव नाशाय विशन्ति लोकास्-
tathaiva nāśāya viśanti lokās-
तवापि वक्त्राणि समृद्धवेगाः ॥ २९ ॥
tavāpi vaktrāṇi samṛddhavegāḥ ‖ 29 ‖

~~~

yathā: just as; pradīptam: blazing; jvalanam: fire; pataṅgāḥ: moths; viśanti: they enter; nāśāya: for destruction; samṛddhavegāḥ: swiftly; tathā-eva: so + merely; nāśāya: for destruction; viśanti: they enter; lokāḥ-tava-api: people + your + also; vaktrāṇi: mouths; samṛddhavegāḥ: swiftly

“Just as moths swiftly fly into a blazing fire merely to die, so people swiftly enter your mouths.”

Śloka 11.30

लेलिह्यसे ग्रसमानः समन्ताल्-
lelihyase grasamānaḥ samantāl-
लोकान्समग्रान्वदनैर्ज्वलद्भिः ।
lokānsamagrānvadanairjvaladbhiḥ |
तेजोभिरापूर्य जगत्समग्रं
tejobhirāpūrya jagatsamagraṃ
भासस्तवोग्राः प्रतपन्ति विष्णो ॥ ३० ॥
bhāsastavogrāḥ pratapanti viṣṇo ‖ 30 ‖

~~~

lelihyase: you lick; grasamānaḥ: devouring; samantāt-lokān-samagrān-vadanaiḥ-jvaladbhiḥ: from all sides + people + all + with mouths + with blazing; tejobhiḥ-āpūrya: with radiance + having filled; jagat-samagram: universe + entire; bhāsaḥ-tava-ugrāḥ: rays + your + fierce; pratapanti: they scorch; viṣṇo: O Viṣṇu

“You lick up everyone on all sides, devouring them with your blazing mouths, O Viṣṇu.  Having filled the entire universe with heat, your fierce rays scorch it.”

Śloka 11.31

आख्याहि मे को भवानुग्ररूपो
ākhyāhi me ko bhavānugrarūpo
नमोऽस्तु ते देववर प्रसीद ।
namo’stu te devavara prasīda |
विज्ञातुमिच्छामि भवन्तमाद्यं
vijñātumicchāmi bhavantamādyaṃ
न हि प्रजानामि तव प्रवृत्तिम् ॥ ३१ ॥
na hi prajānāmi tava pravṛttim ‖ 31 ‖

~~~

ākhyāhi: please tell; me: me; kaḥ: who; bhavān-ugra-rūpaḥ: you + fierce + form; namaḥ-astu: salutations + let there be; te: to you; devavara: O Best of the Gods; prasīda: you should have mercy; vijñātum-icchāmi: to understand + I wish; bhavantam-ādyam: you + O Primordial; na: not; hi: for; prajānāmi: I comprehend; tava: your; pravṛttim: coming forth

“Salutations to you, O Best of the Gods!  Have mercy, O Primordial!  I wish to understand you in this fierce form, for I do not comprehend your coming forth.”

Śloka 11.32

श्रीभगवानुवाच
śrībhagavānuvāca
कालोऽस्मि लोकक्षयकृत्प्रवृद्धो
kālo’smi lokakṣayakṛtpravṛddho
लोकान्समाहर्तुमिह प्रवृत्तः ।
lokānsamāhartumiha pravṛttaḥ |
ऋतेऽपि त्वां न भविष्यन्ति सर्वे
ṛte’pi tvāṃ na bhaviṣyanti sarve
येऽवस्थिताः प्रत्यनीकेषु योधाः ॥ ३२ ॥
ye’vasthitāḥ pratyanīkeṣu yodhāḥ ‖ 32 ‖

~~~

śrī-bhagavān-uvāca: The Blessed + Lord + he said; kālaḥ-asmi: time + I am; loka-kṣayakṛt-pravṛddhaḥ: world + destroyer + come forth; lokān-samāhartum-iha: everyone + to destroy + in this battle; pravṛttaḥ: have come forth; ṛte-api: except for + even; tvām: you; na: not; bhaviṣyanti: they will survive; sarve: all; ye-avasthitāḥ: those who + stationed; pratyanīkeṣu: on opposing sides; yodhāḥ: soldiers

The Blessed Lord said: “I am time, the great destroyer.  I come forth to destroy everyone in the world.  I have come forth in this battle to destroy all the soldiers stationed on opposing sides.  None will survive, except for you.”

Śloka 11.33

तस्मात्त्वमुत्तिष्ठ यशो लभस्व
tasmāttvamuttiṣṭha yaśo labhasva
जित्वा शत्रून्भुङ्क्ष्व राज्यं समृद्धम् ।
jitvā śatrūnbhuṅkṣva rājyaṃ samṛddham |
मयैवैते निहताः पूर्वमेव
mayaivaite nihatāḥ pūrvameva
निमित्तमात्रं भव सव्यसाचिन् ॥ ३३ ॥
nimittamātraṃ bhava savyasācin ‖ 33 ‖

~~~

tasmāt-tvam-uttiṣṭha: therefore + you + you should arise; yaśaḥ: honor; labhasva: you should gain; jitvā: having conquered; śatrūn-bhuṅkṣva: enemies + you will enjoy; rājyam: kingdom; samṛddham: flourishing; mayā-eva-ete: by me + certainly + they; nihatāḥ: slain; pūrvam-eva: already + merely; nimittamātram: mere instrument; bhava: you should be; savyasācin: O Ambidextrous

“Therefore, arise!  Gain honor!  Having conquered your enemies, you will enjoy a flourishing kingdom.  They are already slain by me, O Ambidextrous, you are merely the instrument.”

Śloka 11.34

द्रोणं च भीष्मं च जयद्रथं च
droṇaṃ ca bhīṣmaṃ ca jayadrathaṃ ca
कर्णं तथान्यानपि योधवीरान् ।
karṇaṃ tathānyānapi yodhavīrān |
मया हतांस्त्वं जहि मा व्यथिष्ठा
mayā hatāṃstvaṃ jahi mā vyathiṣṭhā
युध्यस्व जेतासि रणे सपत्नान् ॥ ३४ ॥
yudhyasva jetāsi raṇe sapatnān ‖ 34 ‖

~~~

droṇam: Droṇa; ca: and; bhīṣmam: Bhīṣma; ca: and; jayadratham: Jayadratha; ca: and; karṇam: Karṇa; tathā-anyān-api: as well as + other + also; yodhavīrān: warriors; mayā: by me; hatāṃs-tvam: slain + you; jahi: you should slay; mā: not; vyathiṣṭhāḥ: disturbed; yudhyasva: you should fight; jetāsi: you will conquer; raṇe: in battle; sapatnān: enemies

“Droṇa, Bhīṣma, Jayadratha, Karṇa, and the other warriors are already slain by me.  Slay them and do not be disturbed.  Fight and you will conquer your enemies in battle.”

Śloka 11.35

सञ्जय उवाच
sañjaya uvāca
एतच्छ्रुत्वा वचनं केशवस्य
etacchrutvā vacanaṃ keśavasya
कृताञ्जलिर्वेपमानः किरीटी ।
kṛtāñjalirvepamānaḥ kirīṭī |
नमस्कृत्वा भूय एवाह कृष्णं
namaskṛtvā bhūya evāha kṛṣṇaṃ
सगद्गदं भीतभीतः प्रणम्य ॥ ३५ ॥
sagadgadaṃ bhītabhītaḥ praṇamya ‖ 35 ‖

~~~

sañjaya: Sañjaya; uvāca: he said; etat-śrutvā: this + having heard; vacanam: command; keśavasya: of Handsome-Haired; kṛtāñjaliḥ-vepamānaḥ: with palms joined together + trembling; kirīṭī: Crown-Wearer; namaskṛtvā: having bowed; bhūyaḥ: once again; eva-āha: certainly + he spoke; kṛṣṇam: Kṛṣṇa; sagadgadam: with a faltering voice; bhītabhītaḥ: fearful; praṇamya: having made obeisances

Sañjaya said: “Having heard this command from Handsome-Haired, the trembling Crown-Wearer joined his palms together.  Having bowed and made obeisances once again, he fearfully spoke with a faltering voice to Kṛṣṇa.”

Śloka 11.36

अर्जुन उवाच
arjuna uvāca
स्थाने हृषीकेश तव प्रकीर्त्या
sthāne hṛṣīkeśa tava prakīrtyā
जगत्प्रहृष्यत्यनुरज्यते च ।
jagatprahṛṣyatyanurajyate ca |
रक्षांसि भीतानि दिशो द्रवन्ति
rakṣāṃsi bhītāni diśo dravanti
सर्वे नमस्यन्ति च सिद्धसङ्घाः ॥ ३६ ॥
sarve namasyanti ca siddhasaṅghāḥ ‖ 36 ‖

~~~

arjuna: Arjuna; uvāca: he said; sthāne: right; hṛṣīkeśa: O Lord of the Senses; tava: your; prakīrtyā: by (in) glory; jagat-prahṛṣyati-anurajyate: universe + it rejoices + it delights; ca: and; rakṣāṃsi: Rakṣasa demons; bhītāni: out of fear; diśaḥ: directions; dravanti: they flee; sarve: all; namasyanti: they pay homage; ca: and; siddhasaṅghāḥ: hosts of masters

Arjuna said: “It is right, O Lord of the Senses, that the universe rejoices and delights in your glory, that the Rakṣasa demons flee in all directions out of fear, and that the hosts of masters pay homage to you.”

Śloka 11.37

कस्माच्च ते न नमेरन्महात्मन्
kasmācca te na nameranmahātman
गरीयसे ब्रह्मणोऽप्यादिकर्त्रे ।
garīyase brahmaṇo’pyādikartre |
अनन्त देवेश जगन्निवास
ananta deveśa jagannivāsa
त्वमक्षरं सदसत्तत्परं यत् ॥ ३७ ॥
tvamakṣaraṃ sadasattatparaṃ yat ‖ 37 ‖

~~~

kasmāt-ca: why + and; te: to you; na: not; nameran-mahātman: they should pay homage + O Great Soul; garīyase: you are greater; brahmaṇaḥ-api-ādikartre: than Brahmā + even + First Creator; ananta: Infinite One; deveśa: God of Gods; jagannivāsa: Refuge of the Universe; tvam-akṣaram: you + Imperishable; sadasat-tatparam: Existence and Nonexistence + That Beyond; yat: Which

“And why should they not pay homage to you, O Great Soul?  You are the First Creator, even greater than Brahmā.  You are the Infinite One, the God of Gods, the Refuge of the Universe, the Imperishable One, Existence and Nonexistence, and That Which is Beyond.”

Śloka 11.38

त्वमादिदेवः पुरुषः पुराणस्-
tvamādidevaḥ puruṣaḥ purāṇas-
त्वमस्य विश्वस्य परं निधानम् ।
tvamasya viśvasya paraṃ nidhānam |
वेत्तासि वेद्यं च परं च धाम
vettāsi vedyaṃ ca paraṃ ca dhāma
त्वया ततं विश्वमनन्तरूप ॥ ३८ ॥
tvayā tataṃ viśvamanantarūpa ‖ 38 ‖

~~~

tvam-ādidevaḥ: you + First God; puruṣaḥ: Spirit; purāṇaḥ: Primordial; tvam-asya: you + of this; viśvasya: of the universe; param: Ultimate; nidhānam: Abode; vettā-asi: knower + you are; vedyam: known; ca: and; param: Supreme; ca: and; dhāma: State; tvayā: by you; tatam: pervaded; viśvam-anantarūpa: universe + O Infinite Form

“You are the First God, the Primordial Spirit, the Ultimate Abode of this Universe.  You are the Knower, the Known, and the Supreme State.  The universe is pervaded by you, O Infinite Form.”

Śloka 11.39

वायुर्यमोऽग्निर्वरुणः शशाङ्कः
vāyuryamo’gnirvaruṇaḥ śaśāṅkaḥ
प्रजापतिस्त्वं प्रपितामहश्च ।
prajāpatistvaṃ prapitāmahaśca |
नमो नमस्तेऽस्तु सहस्रकृत्वः
namo namaste’stu sahasrakṛtvaḥ
पुनश्च भूयोऽपि नमो नमस्ते ॥ ३९ ॥
punaśca bhūyo’pi namo namaste ‖ 39 ‖

~~~

vāyuḥ-yamaḥ-agniḥ-varuṇaḥ: Vāyu + Yama + Agni + Varuṇa; śaśāṅkaḥ: Śaśāṅka; prajāpatiḥ-tvam: Prajāpati + you; prapitāmahaḥ-ca: Prapitāmaha + and; namaḥ: salutations; namaḥ-te-astu: salutations + to you + let there be; sahasrakṛtvaḥ: a thousand times; punaḥ-ca: again + and; bhūyaḥ-api: once again + also; namaḥ: salutations; namaḥ-te: salutations + to you

“You are Vayu, Yama, Agni, Varuṇa, Śaśāṅka, Prajāpati, and Prapitāmaha.  Salutations to you a thousand times over!  Salutations to you again and yet again!”

Śloka 11.40

नमः पुरस्तादथ पृष्ठतस्ते
namaḥ purastādatha pṛṣṭhataste
नमोऽस्तु ते सर्वत एव सर्व ।
namo’stu te sarvata eva sarva |
अनन्तवीर्यामितविक्रमस्त्वं
anantavīryāmitavikramastvaṃ
सर्वं समाप्नोषि ततोऽसि सर्वः ॥ ४० ॥
sarvaṃ samāpnoṣi tato’si sarvaḥ ‖ 40 ‖

~~~

namaḥ: salutations; purastāt-atha: from (in) front + also; pṛṣṭhataḥ-te: from (in) behind + to you; namaḥ-astu: salutations + let there be; te: to you; sarvataḥ: from (on) all sides; eva: certainly; sarva: O All; ananta-vīrya-amita-vikramaḥ-tvam: unlimited + power + unbounded + strength + you; sarvam: everything; samāpnoṣi: you pervade; tataḥ-asi: so + you are; sarvaḥ: everything

“Salutations to you in front and behind!  Salutations to you on all sides, O All!  You are Unlimited Power and Unbounded Strength.  You pervade everything, so you are everything.”

Śloka 11.41

सखेति मत्वा प्रसभं यदुक्तं
sakheti matvā prasabhaṃ yaduktaṃ
हे कृष्ण हे यादव हे सखेति ।
he kṛṣṇa he yādava he sakheti |
अजानता महिमानं तवेदं
ajānatā mahimānaṃ tavedaṃ
मया प्रमादात्प्रणयेन वापि ॥ ४१ ॥
mayā pramādātpraṇayena vāpi ‖ 41 ‖

~~~

sakhā-iti: friend + thus; matvā: having considered; prasabham: rashly; yat-uktam: whatever + said; he: O; kṛṣṇa: Kṛṣṇa; he: O; yādava: Descendant of Yadu; he: O; sakhā-iti: Friend + thus; ajānatā: by unawareness; mahimānam: greatness; tava-idam: your + this; mayā: by me; pramādāt-praṇayena: out of carelessness + with (out of) affection; vā-api: or + even

“Having considered you my friend, unaware of your greatness, whatever I have rashly said out of carelessness or affection, addressing you as ‘O Kṛṣṇa,’ ‘O Descendant of Yadu,’ or even ‘O Friend’…”

Śloka 11.42

यच्चावहासार्थमसत्कृतोऽसि
yaccāvahāsārthamasatkṛto’si
विहारशय्यासनभोजनेषु ।
vihāraśayyāsanabhojaneṣu |
एकोऽथवाप्यच्युत तत्समक्षं
eko’thavāpyacyuta tatsamakṣaṃ
तत्क्षामये त्वामहमप्रमेयम् ॥ ४२ ॥
tatkṣāmaye tvāmahamaprameyam ‖ 42 ‖

~~~

yat-ca-avahāsa-artham-asatkṛtaḥ-asi: however + and + jest + purpose + dishonored + you are; vihāra-śayyā-āsana-bhojaneṣu: when playing + lying down + sitting + eating; ekaḥ-atha-vā-api-acyuta: alone + either + or + also + O Imperishable; tat-samakṣam: that + among companions; tat-kṣāmaye: that + I beg forgiveness from; tvām-aham-aprameyam: you + I + O Immeasurable

“…and however else you were dishonored, in jest while playing, lying down, sitting, and eating, either alone or among companions, O Imperishable, I beg forgiveness from you for that, O Immeasurable.”

Śloka 11.43

पितासि लोकस्य चराचरस्य
pitāsi lokasya carācarasya
त्वमस्य पूज्यश्च गुरुर्गरीयान् ।
tvamasya pūjyaśca gururgarīyān |
न त्वत्समोऽस्त्यभ्यधिकः कुतोऽन्यो
na tvatsamo’styabhyadhikaḥ kuto’nyo
लोकत्रयेऽप्यप्रतिमप्रभाव ॥ ४३ ॥
lokatraye’pyapratimaprabhāva ‖ 43 ‖

~~~

pita-asi: father + you are; lokasya: of the world; carācarasya: of the moving and unmoving; tvam-asya: you + of this; pūjyaḥ-ca: to be worshipped + and; guruḥ-garīyān: teacher + greatest; na: none; tvat-samaḥ-asti-abhyadhikaḥ: to you + equal + there is + greater; kutaḥ-anyaḥ: who + another; lokatraye-api-apratima-prabhāva: in the three worlds + moreover + incomparable + power

“You are the father of the world and its animate and inanimate things.  You are to be worshiped as its greatest teacher.  None are equal to you in the three worlds.  How could there be another greater than you, whose power is incomparable?”

Śloka 11.44

तस्मात्प्रणम्य प्रणिधाय कायं
tasmātpraṇamya praṇidhāya kāyaṃ
प्रसादये त्वामहमीशमीड्यम् ।
prasādaye tvāmahamīśamīḍyam |
पितेव पुत्रस्य सखेव सख्युः
piteva putrasya sakheva sakhyuḥ
प्रियः प्रियायार्हसि देव सोढुम् ॥ ४४ ॥
priyaḥ priyāyārhasi deva soḍhum ‖ 44 ‖

~~~

tasmāt-praṇamya: therefore + having paid homage; praṇidhāya: having prostrated; kāyam: body; prasādaye: I beg mercy of; tvām-aham-īśam-īḍyam: you + I + O Lord + Venerable; pita-iva: father + like; putrasya: of (with) a son; sakhā-iva: friend + like; sakhyuḥ: of (with) a friend; priyaḥ: lover; priyāyāḥ-arhasi: of (with) a beloved + you should; deva: O God; soḍhum: to tolerate

“Therefore, having paid homage and prostrated myself before you, O Venerable Lord, I beg mercy of you.  Please tolerate me, O God, like a father with his son, like a friend with another friend, and like a lover with their beloved.”

Śloka 11.45

अदृष्टपूर्वं हृषितोऽस्मि दृष्ट्वा
adṛṣṭapūrvaṃ hṛṣito’smi dṛṣṭvā
भयेन च प्रव्यथितं मनो मे ।
bhayena ca pravyathitaṃ mano me |
तदेव मे दर्शय देव रूपं
tadeva me darśaya deva rūpaṃ
प्रसीद देवेश जगन्निवास ॥ ४५ ॥
prasīda deveśa jagannivāsa ‖ 45 ‖

~~~

adṛṣṭapūrvam: hitherto unseen; hṛṣitaḥ-asmi: gladdened + I am; dṛṣṭvā: having seen; bhayena: with fear; ca: and; pravyathitam: perturbed; manaḥ: mind; me: my; tat-eva: that + only; me: to me; darśaya: you should show; deva: O God; rūpam: form; prasīda: you should have mercy; deveśa: O God of Gods; jagannivāsa: O Refuge of the Universe

“Having seen the hitherto unseen, I am gladdened.  But my mind is perturbed with fear, O God.  Have mercy, O God of Gods!  Show me that previous form only, O Refuge of the Universe.”

Śloka 11.46

किरीटिनं गदिनं चक्रहस्तम्-
kirīṭinaṃ gadinaṃ cakrahastam-
इच्छामि त्वां द्रष्टुमहं तथैव ।
icchāmi tvāṃ draṣṭumahaṃ tathaiva |
तेनैव रूपेण चतुर्भुजेन
tenaiva rūpeṇa caturbhujena
सहस्रबाहो भव विश्वमूर्ते ॥ ४६ ॥
sahasrabāho bhava viśvamūrte ‖ 46 ‖

~~~

kirīṭinam: wearing a crown; gadinam: armed with a club; cakrahastam-icchāmi: bearing a discuss + I wish; tvām: you; draṣṭum-aham: to see + I; tathā-eva: in that manner + only; tena-eva: with that + only; rūpeṇa: with that form; caturbhujena: with four arms; sahasrabāho: O Thousand-Armed; bhava: you should be; viśvamūrte: O Universal Form

“I wish to see you wearing a crown, armed with a club, and bearing a discus, O Thousand-Armed.  Please return to that four-armed form, O Universal Form.”

Śloka 11.47

श्रीभगवानुवाच
śrībhagavānuvāca
मया प्रसन्नेन तवार्जुनेदं
mayā prasannena tavārjunedaṃ
रूपं परं दर्शितमात्मयोगात् ।
rūpaṃ paraṃ darśitamātmayogāt |
तेजोमयं विश्वमनन्तमाद्यं
tejomayaṃ viśvamanantamādyaṃ
यन्मे त्वदन्येन न दृष्टपूर्वम् ॥ ४७ ॥
yanme tvadanyena na dṛṣṭapūrvam ‖ 47 ‖

~~~

śrī-bhagavān-uvāca: The Blessed + Lord + he said; mayā: by me; prasannena: graciously; tava-arjuna-idam: for (to) you + Arjuna + this; rūpam: form; param: supreme; darśitam-ātmayogāt: shown + from (by) my own power; tejomayam: brilliant; viśvam-anantam-ādyam: universal + infinite + primordial; yat-me: which + mine; tvat-anyena: than you + by any other; na: not; dṛṣṭa-pūrvam: seen + before

The Blessed Lord said: “By my own power, I have graciously shown you this supreme, brilliant, universal, infinite, and primordial form of mine, which has never been seen before by anyone other than you.”

Śloka 11.48

न वेदयज्ञाध्ययनैर्न दानैर्-
na vedayajñādhyayanairna dānair-
न च क्रियाभिर्न तपोभिरुग्रैः ।
na ca kriyābhirna tapobhirugraiḥ |
एवंरूपः शक्य अहं नृलोके
evaṃrūpaḥ śakya ahaṃ nṛloke
द्रष्टुं त्वदन्येन कुरुप्रवीर ॥ ४८ ॥
draṣṭuṃ tvadanyena kurupravīra ‖ 48 ‖

~~~

na: neither; vedayajña-adhyayanaiḥ-na: by Vedic sacrifices + studying the Vedas + nor; dānaiḥ-na: by charity + nor; ca: and; kriyābhiḥ-na: by rituals + nor; tapobhiḥ-ugraiḥ: by austerity + by severe; evaṃ-rūpaḥ: thus + form; śakyaḥ: possible; aham: I; nṛloke: in the world of men; draṣṭum: to see; tvat-anyena: than you + by any other; kurupravīra: O Best of the Kurus

“Neither by performing Vedic sacrifices, nor by studying the Vedas, nor by charity, nor by rituals, nor by severe austerity is it possible to see me in this form in the world of men by any other than you, O Best of the Kurus.”

Śloka 11.49

मा ते व्यथा मा च विमूढभावो
mā te vyathā mā ca vimūḍhabhāvo
दृष्ट्वा रूपं घोरमीदृङ्ममेदम् ।
dṛṣṭvā rūpaṃ ghoramīdṛṅmamedam |
व्यपेतभीः प्रीतमनाः पुनस्त्वं
vyapetabhīḥ prītamanāḥ punastvaṃ
तदेव मे रूपमिदं प्रपश्य ॥ ४९ ॥
tadeva me rūpamidaṃ prapaśya ‖ 49 ‖

~~~

mā: let there not be; te: for you; vyathā: fear; mā: let there not be; ca: and; vimūḍhabhāvaḥ: confusion; dṛṣṭvā: having seen; rūpam: form; ghoram-īdṛk-mama-idam: frightful + such + of mine + this; vyapetabhīḥ: by having cast away; prītamanāḥ: gladden the heart; punaḥ-tvam: once again + your; tat-eva: that + just; me: of mine; rūpam-idam: form + this; prapaśya: having beheld

“Be not afraid nor confused having seen this frightful form of mine.  Cast away your fears and gladden you heart having beheld just that form of mine.”

Śloka 11.50

सञ्जय उवाच
sañjaya uvāca
इत्यर्जुनं वासुदेवस्तथोक्त्वा
ityarjunaṃ vāsudevastathoktvā
स्वकं रूपं दर्शयामास भूयः ।
svakaṃ rūpaṃ darśayāmāsa bhūyaḥ |
आश्वासयामास च भीतमेनं
āśvāsayāmāsa ca bhītamenaṃ
भूत्वा पुनः सौम्यवपुर्महात्मा ॥ ५० ॥
bhūtvā punaḥ saumyavapurmahātmā ‖ 50 ‖

~~~

sañjaya: Sañjaya; uvāca: he said; iti-arjunam: thus + Arjuna; vāsudevaḥ-tathāḥ-uktvā: Son of Vasudeva + thus + having spoken; svakam: personal; rūpam: form; darśayāmāsa: displayed; bhūyaḥ: once again; āśvāsayāmāsa: relieved; ca: and; bhītam-enam: fearful + this; bhūtvā: having assumed; punaḥ: again; saumya-vapuḥ-mahātmā: gentle + form + Great Soul

Sañjaya said: “Having spoken to Arjuna thus, the Son of Vasudeva displayed his personal form once again.  And having assumed that gentle form, the Great Soul relieved the fearful Arjuna.”

— begin anuṣṭubh meter (4x8) —

Śloka 11.51

अर्जुन उवाच
arjuna uvāca
दृष्ट्वेदं मानुषं रूपं
dṛṣṭvedaṃ mānuṣaṃ rūpaṃ
तव सौम्यं जनार्दन ।
tava saumyaṃ janārdana |
इदानीमस्मि संवृत्तः
idānīmasmi saṃvṛttaḥ
सचेताः प्रकृतिं गतः ॥ ५१ ॥
sacetāḥ prakṛtiṃ gataḥ ‖ 51 ‖

~~~

arjuna: Arjuna; uvāca: he said; dṛṣṭva-idam: having seen + this; mānuṣam: human; rūpam: form; tava: your; saumyam: gentle; janārdana: O Agitator of Men; idānīm-asmi: now + I am; saṃvṛttaḥ: composed; sacetāḥ: mind; prakṛtim: natural state; gataḥ: restored

Arjuna said: “Having seen this gentle human form of yours, O Agitator of Men, I am now composed and restored to my natural state of mind.”

Śloka 11.52

श्रीभगवानुवाच
śrībhagavānuvāca
सुदुर्दर्शमिदं रूपं
sudurdarśamidaṃ rūpaṃ
दृष्टवानसि यन्मम ।
dṛṣṭavānasi yanmama |
देवा अप्यस्य रूपस्य
devā apyasya rūpasya
नित्यं दर्शनकाङ्क्षिणः ॥ ५२ ॥
nityaṃ darśanakāṅkṣiṇaḥ ‖ 52 ‖

~~~

śrī-bhagavān-uvāca: The Blessed + Lord + he said; sudurdarśam-idam: very difficult to see + this; rūpam: form; dṛṣṭavān-asi: having seen + you are; yat-mama: which + mine; devāḥ: gods; api-asya: even + of this; rūpasya: of the form; nityam: constantly; darśanakāṅkṣiṇaḥ: wishing to see

The Blessed Lord said: “This form of mine which you have seen is very difficult to see.  Even the gods are constantly wishing to see it.”

Śloka 11.53

नाहं वेदैर्न तपसा
nāhaṃ vedairna tapasā
न दानेन न चेज्यया ।
na dānena na cejyayā |
शक्य एवंविधो द्रष्टुं
śakya evaṃvidho draṣṭuṃ
दृष्टवानसि मां यथा ॥ ५३ ॥
dṛṣṭavānasi māṃ yathā ‖ 53 ‖

~~~

na-aham: neither + I; vedaiḥ-na: by studying the Vedas + nor; tapasā: by austerity; na: nor; dānena: by charity; na: nor; ca-ijyayā: and + by performing sacrifice; śakyaḥ: possible; evaṃ-vidhaḥ: thus + way; draṣṭum: to see; dṛṣṭavān-asi: having seen + you are; mām: me; yathā: as

“Neither by the studying the Vedas, nor by austerity, nor by charity, nor by performing sacrifice can I be seen as you have just seen me.”

Śloka 11.54

भक्त्या त्वनन्यया शक्य
bhaktyā tvananyayā śakya
अहमेवंविधोऽर्जुन ।
ahamevaṃvidho’rjuna |
ज्ञातुं द्रष्टुं च तत्त्वेन
jñātuṃ draṣṭuṃ ca tattvena
प्रवेष्टुं च परन्तप ॥ ५४ ॥
praveṣṭuṃ ca parantapa ‖ 54 ‖

~~~

bhaktyā: through devotion; tu-ananyayā-śakya: but + through undeviating + possible; aham-evam-vidhaḥ-arjuna: I + thus + way + O Arjuna; jñātum: to know; draṣṭum: to see; ca: and; tattvena: by (in) fact; praveṣṭum: to enter; ca: and; parantapa: O Scorcher of Foes

“But it is possible to know, see, and in fact, enter me in this way, O Arjuna, through one-pointed devotion, O Scorcher of Foes.”

Śloka 11.55

मत्कर्मकृन्मत्परमो
matkarmakṛnmatparamo
मद्भक्तः सङ्गवर्जितः ।
madbhaktaḥ saṅgavarjitaḥ |
निर्वैरः सर्वभूतेषु
nirvairaḥ sarvabhūteṣu
यः स मामेति पाण्डव ॥ ५५ ॥
yaḥ sa māmeti pāṇḍava ‖ 55 ‖

~~~

matkarmakṛt-matparamaḥ: working for me + considering me to be supreme; madbhaktaḥ: devoted to me; saṅgavarjitaḥ: free from attachment; nirvairaḥ: without enmity; sarvabhūteṣu: in (for) all living beings; yaḥ: he who; saḥ: he; mām-eti: me + he comes; pāṇḍava: O Son of Pāṇḍu

“One who works for me, who considers me to be supreme, who is devoted to me, who is free from attachment, and who is without enmity for all living beings, they come to me, O Son of Pāṇḍu.”